Jaiak euskaraz eta errespetuz bizitzea eskatu du OaingozHau plataformak
Oreretako Jai Herrikoien egitaraua aurkeztu dute gaur. Aurtengo kuadrilla eguna autogestionatua izango da.
OaingozHau plataformak, Oreretako Jai Herrikoien egitaraua aurkeztu du. Iaz sortu zen OaingozHau plataforma eta aurtengo madalenetan oinarri berdina mantenduko dute, auzolanean antolatuz, jai herrikoi eta euskaldunak antolatzea. Aurten ere, bi guneetan banatu dituzte ekintzak, Lino Gunea, zumardian egongo da, Orereta ikastolaren parean. Bestea, Panier Gunea, Oiartzun ibaiaren beste aldean kokatuko da, Zamalbide kalearen alboko aparkalekuan. Lino Gunean sukaldea izango dute, eta Panier gunean ere afariak emango dituzte.
Egitarauari dagokionez bi gako nabarmendu behar dira, aniztasuna eta gertutasuna. Adin tarte guztiei zuzendutako ekintzak antolatuko dituzte eta egitarauan egunero emakumeen presentzia bermatzen ahalegindu dira. Plataformako kideek argi utzi dute haiena giro onean egoteko gunea dela eta ez dutela onartuko inongo jarrera ankerrik, bereziki eraso matxistak, homofobo eta arrazistak.
Bestelako eredu bat bultzatzeko asmoz, gertutasuna izan dute hizpide plataforman eta inguruko ekoizleen jakiak eta edariak erosten ahalegindu dira. Txosnetan salduko diren falafelak eta seitana esaterako, haiek egindakoak izango dira. Jaiak girotuko dituzten musikariak ere, gertukoak izango dira ere hein handi batean.
Aurtengo Kuadrillen Eguneko bazkaria, autogestionatua izango da, hortaz jendeak arduraz jokatzeko deia luzatu dute. Baso berri bat erosiz, bilduma egin ordez, jendeak etxean dituen edalontzi berrerabilgarriak eramateko eskatu dute, baita ahalik eta zabor gutxien sortzea ere.
Webgune bat sortu dute gainera, nahi duenak argazkiak eta bestelako edukiak bidali ditzan.
Egitaraua:
Uztailak 20, larunbata
LINO GUNEAN
18:30: Omenaldia eta Txosnen irekiera.
22:00: Sardeska.
23:00: Bad Sound eta lagunak (Dantzal Sound eta Indaborda Sound).
PANIER GUNEAN
18:30: Omenaldia eta Txosnen irekiera.
19:00: Kukaña.
Uztailak 21, igandea
LINO GUNEAN
20:00: Joseba Irazoki eta Lagunak.
23:00: Kasomai.
01:00: El diluvi.
PANIER GUNEAN
21:00: Erroka.
22:30: Iker Lauroba eta Leire Letu.
Uztailak 22, astelehena.
LINO GUNEAN
20:00: Holy Nuns.
22:00: La Basu.
01:00: Sorpresa.
01:30: Ze esatek.
PANIER GUNEAN
12:00: Munduko taloak.
16:00: Munduko jolasak.
19:00: Indixabak.
22:00: Peppermint Quartet.
00:00: Leihotikan.
Uztailak 23, asteartea (Kuadrillen eguna).
LINO GUNEAN
13:00: Kuadrillen eguneko Txupina.
13:30: Jotak.
14:00: Herri Bazkaria.
16:00: Desmontaje.
17:00: Poteo.
19:30: Argazki masiboa udaletxean.
21:00: Intershow.
23:00: Iratzar.
PANIER GUNEAN
18:30: Concha Rociera.
20:30: Sabel Dantza.
Uztailak 24, asteazkena.
LINO GUNEAN
14:00: Bazkaria.
20:30: Nau.
00:30: Roba estesa.
02:30: DJ Line
PANIER GUNEAN
12:30: Ardo dastaketa.
20:00: Bertso saioa.
00:00: Joxpa Erromeria.
Uztailak 25, osteguna.
LINO GUNEAN
18:00-22:00: Happy Hour.
PANIER GUNEAN
12:00: Jauziak.
18:00: Buffalo.
20:00: Andoni Oilokiegi.
