Listorreta-Barrengoloiako informazio bulegoa, zabalik
Informazio puntua azaroaren 3a arte izango da zabalik ostiraletan 10:30etik 15:00etara eta 16:00etatik 20:30era; eta larunbat, igande eta jai egunetan, 10:00etatik 15:00etara eta 16:00etatik 20:30era.
Errenteriatik zein beste herrietatik jende ugari hurbiltzen da Listorreta-Barrengoloiara. Aiako Harriko parke naturaleko Listorreta-Barrengoloiako informazio bulegoak ateak ireki ditu. Inguruko natura eta kultura ondarearen gaineko informazioa lortzeko aukera izango dute, beraz, bertaratzen diren txangozaleek: mendi ibilbideak, monumentu megalitikoak, mehatxatutako fauna, Aizpitarteko haitzuloak, Urdaburu gailurra, Añarbeko baso erreserba, Malbazar, Aldura eta Pagosardeko hezeguneak, besteak beste.
Informazioa emateaz gain, udaran irteerak ere antolatuko dituzte aipatutako guneak ezagutzeko.
Informazio puntua azaroaren 3a arte izango da zabalik ostiraletan 10:30etik 15:00etara eta 16:00etatik 20:30era; eta larunbat, igande eta jai egunetan, 10:00etatik 15:00etara eta 16:00etatik 20:30era.
