Jendaurrean jarraitzen du Lezoko Zaraten Ekintza Planak
Uztailaren 27ra arte kontsulta daiteke Lezoko Zaraten Ekintza Plana. Herritarrek alegazioak eta ekarpenak egin ditzakete egiun horretara arte.
Portua da Lezoko zarata iturrietako bat. Lezoko Zaraten Ekintza Plana jendaurrean izango da hilaren 27ra arte. Zaraten Mapan identifikatutako iturriei erantzuna emateko baliabidea da Ekintza Plana, hiru ardatz nagusitan zehaztua.
Plana jendaurrean dagoen bitartean herritarrek horri alegazioak eta ekarpenak egiteko aukera dute, zabalik dute hori ikusi, eta euren alea eransteko. Plana bera udalaren webgunean kontsulta daiteke, eta alegazioak aipatutako datara arte, uztailaren 27ra arte egin daitezke.
Zaraten Mapa osatzeko egindako azterketetan, zaratari dagokionez Lezo herri lasaia dela ondorioztatua dago, udalak emandako informazioaren arabera. Baina lau zarata gune edo Babes Akustiko Bereziko eremu daude zerrendatuta: GI 3440 eta GI 2638 errepideak, trenbidea, eta portua.
