[GALERIA] Hamalaugarrenez, Txistularien Kontzertuak Zumardia bereganatu du
Ehunka herritar gerturatu dira txistulariek Niko Etxart musikariarekin batera eskainitako saioaz gozatzera.
Zumardia lepo beteta utzi dute herritarrek. Bihar arratsaldeko 19:00ak arte aurtengo madalenak hasten ez diren arren, Errenteria-Oreretako herritarrak jada biharko egun handirako motorrak beroak dituzte. Herriko jaiak gertu daudela erakutsi dute gaur Zumardian ehunka herritarrek; XIV. Txistularien Kontzertuak musikaz eta giroz bete ditu Zumardia eta ingurua.
Jose Luis Ansorenaren omeneneko saioa izan da. Txistulariez gain, protagonista nagusietako bat Niko Etxart musikaria izan da. Honek jarri die txistulariek eskainitako hamar abestiei ahotsa. Ohitura den bezalaxe, Xabier Vesgak gidaritzapean egin dute musika saioa, eta besteak beste, Ereintza Dantza Taldeko kideek, Maialen eta Xantirekin batera, dantza ukitua eman diote erakustaldiari.
Ikusi HITZAk gaurko emanaldian jaso dituen irudiak:
