Iturrioztarrak lertxuna altxatzeko prest daude
Bihar hasiko dira 'santiyuk', ohiko hasiera ekitaldiekin eta auzotarren afariarekin. Hilaren 31 izango dira Iturriozko festetako azkeneko eguna.
![santiyuk iturriotz](https://oarsoaldea.hitza.eus/site/files/2019/07/santiyuk.jpg)
Bihar hasiko dira Iturriozko festak. Bertako festa batzordeak egitarau mardula prestatu du, auzoa (ia) astebetez girotzeko modukoa.
Aurten hutsune handi bat sumatuko dute: auzoko festei hainbeste eman zion Ion Zabaleku Zapo gogoan izango dute—pasa den apirilean zendu zen—. Bertso batzuk eskaini dizkiote festen egitarauan (irakurtzeko, egin klik hemen).
Hilak 24, asteazkena
- 19:00etan: Lertxuna altxatzearekin eta txupinazoarekin batera hasiko dira santiyuk. Ondoren, dantzak eta, jarraian, buruhandiak txistulariekin.
- Arratsean, auzo afaria.
Hilak 25, osteguna
- 09:00etan: Goiz eresia Lartaungo txistulariekin.
- 10:30ean: Meza nagusia, Bekosoroko gurutzean.
- 12:30ean: Idi dema, Artola eta Mixiyuaren idi pareen artean.
- 17:00etan: Iturriozko kronoeskalada auzoan barrena, 3 eta 15 urteko haur eta gaztetxoentzako. 16:00etan izena ematea irekiko dute.
- 22:00etan: Musika emanaldia Malen eta Ekainekin.
Hilak 26, ostirala
- 14:00etan: Jubilatuen bazkaria eta Iturri Berri elkartean.
- 17:30ean: Ur festa. Eraman bainujantzia, txankletak eta toalla.
- 19:00etan: pintxo potea Gure Txoko tabernan.
- 20:00etan: Kartelada, auzoan zehar.
- Arratsean, ogitartekoak afaltzeko aukera.
- 22:00etan: Truk txapelketa Iturri Berri elkartean.
- 22:30ean: Bakarrizketak, Mirari Martiarena eta Idoia Torregarairekin.
Hilak 27, larunbata
- 10:00etan: Bizikleta martxa, auzoko mendietan barrena.
- 18:00etan: Iturrioztarran X. Sagardo dastaketa/lehiaketa Alaia Martin eta Ander Lizarralde bertsolariak girotuta. Auzoko sagardo onena zein den erabakiko dute, eta horretarako ekoizle bakoitzak 24 botila eraman beharko ditu. Sagardo botilak eramateko epea 14:00etan bukatuko da.
- 20:00etan: Sagardo dastaketako sari banaketa. Afaltzeko aukera egongo da.
- 22:30ean: Kontzertuak, The Pote’s, Los Zopilotes Txirriaus, Gozo-Gozo erromeria taldea eta Dj Elizkorrak-ekin.
Hilak 28, igandea
- 11:00etan: Oiartzungo eskuzko pasakako VIII. ekitaldia.
- 11:30ean: Tortilla txapelketa, Bekosoroan. Antolatzaileek arrautzak, patatak, gatza, olioa eta sua jarriko ditu.
- 17:30ean: Gorriti Show.
- 18:30ean: Txokolate jatea.
- Arratsean, ogitartekoak jateko aukera.
- 22:00etan: Malen eta Anerekin kantaldia.
Hilak 30, asteartea
- 17:00etan: Haurrentzako jolasak.
- 17:00etan: Auzoko pilota partidak, kimu, haur eta nagusi mailetan.
- 22:00etan: Musika emanaldia Oiartzungo Ane Badiola, Joxe Leon Kazabon eta Irati Odriozolaren eskutik.
Hilak 31, asteazkena
- 09:00etan: Goiz eresia.
- 12:30ean: Giza froga.
- 14:00etan: Erromeria Bekosoroan. Txartelak hilaren 29a baino lehen erosi beharko dira Gure Txoko tabernan, Garmendi txokolategian, Martin harategian eta POttolo janari dendan. Bazkaldu ondoren, bingoa.
- 16:00etan: Gaztelu puzgarriak Bekosoroan.
- 20:00etan: Bide Batez taldearekin dantzaldia.
- Ondoren, ogitartekoak jateko aukera.
- 22:30ean: Bide Batezen dantzaldiaren jarraipena.
- 23:00etan: Zezen suzkoa.
- Jarraian, festak bukatzeko kalejira, auzoan zehar. Festei ginga jartzeko, dantzaldiaren jarraipena.