Ikastetxeetan egindako txikizioak salatu ditu udalak
Haurtzaro eta Elizaldeko eremuetan txikizioak eteteko neurriak hartuko dituela jakinarazi du udalak. Hausnartzeko eskatu die egileei.
Haurrentzako jolasak hautsi dituzte. Haurtzaro eta Elizalde ikastetxeetako eremuetan txikizioak egin dituzte hainbatek. Oiartzungo Udalak esan du horrelako ekintzarik ez duela onartuko, eta bitartekoak jarriko dituela ekiditeko.
Gogorarazi dute eremu publikoak direla, herritar guztiek erabiltzeko. “Gune horietan nahita egiten diren kalteak herritar guztientzako dira kaltegarriak, eta ez soilik hezkuntza komunitateentzat”, ohartarazi dute.
Horregatik, txikizioak egin dituztenei hausnartzeko eskatu diete, eta oiartzuar guztien ongizate komunean pentsatzeko.
