[Bideoa eta galeria] Kinky Hools, Kurrukuku, Haur bat galdu da eta Rufinos 2, final handira
Giro paregabea sortzea lortu zuen Piztu Lezok larunbatean. Herri Olinpiaden lehen saioa egin zuten goiz eta arratsaldez, eta hamabost talde parte hartzaileek dena eman zuten final handira iristeko.
Lehiakortasun abia, bain adenaren gainetik giro paregabea gailendu zen. Giro paregabea sortzea lortu zuen Piztu Lezok larunbatean. Herri Olinpiaden lehen saioa egin zuten goiz eta arratsaldez, eta hamabost talde parte hartzaileek dena eman zuten final handira iristeko. Lau postu ziren bakarrik, eta borrokak borroka, azkenean Kinky Hools, Kurrukuku, Haur bat galdu da eta Rufinos 2 taldeek eskuratu zuten txartel preziatua. Azken horiek, gainera, kanporaketa jokatu behar izan zuten Kalearen alde bietan taldearen aurka, arratsaldeko saioa amaituta berdinduta heldu baitziren taulara.
Horrenbestez, hurrengo larunbatean (hilak 7) Gazte Egunaren barruan jokatuko den final handian borroka sutsua izango da olinpiadetako garaile titulua eskuratzeko.
Sei urte dira Gazte Eguna antolatzen hasi zirela eta bosgarrenak dira, berriz, olinpiadak. Helburua herritarren arteko sareak sendotzea, harremana sustatzea da eta Lezo piztea, antolaketan ari den Piztu Lezo iniziatibak ongi adierazten duen bezala. Giroa sortu zuten, baita herritarrak inplikatu ere, eta belaunaldi ezberdinen arteko hartu emanean ere eragin duten zalantzarik ez dago. Bigarren zatia, hurrengo larunbatean, eta itxura guztia du lehenengoan bezain beste gozatuko dutela parte hartzaileek eta ikusleek.
