Uda amaierarekin batera ospatuko dituzte San Pedro txikiak
Hilaren 20, 21 eta 22an ospatuko dituzte San Pedro txikiak eta jai batzordea hasia da dena antolatzen Larunbat gauean mozorro festa handia egingo dute.
2019ko San Pedro jaietan hartutako irudia. Sanpedrotarrek badakite udaz gozatzen. Urtaroa herriko jai nagusiekin hasten dituzte, eta bukaera hain gogorra izan ez dadin, San Pedro txikiekin apaltzen dituzte udaren azken egunak.
Hilaren 20, 21 eta 22 egingo dituzte San Pedroko jai txikiak eta dena antolatzen hasi dira. Asteartean bilera egingo du jai batzordeak 19:30ean, alkateordetzan eta herritarrei parte hartzeko gonbita luzatu die.
Hainbat ekintza zehaztu dituzte dagoeneko. Larunbat gauean mozorro festa handia egingo dute, zinema gai nagusitzat dutela. 20:30tan hasiko da eta tiketak 12 euroan salduko dira helduentzat eta 7 euroan haurrentzat.
Festan izena eman nahi dutenek, jaibatzordeasp@gmail.com helbide elektronikora idatziz egin beharko dute.
