Bidegorriko argiztapenaren hirugarren fasean, trafiko aldaketak
Atamitx eta Igerobi bidearen arteko argiztapena aldatuko dute hirugarren fase horretan. Rafael Pikabea etorbidean eraginak izango dituzte obrek.
Bidegorriko argiztapena berritzeko obrek aurrera jarraitzen dute. Gaur bertan hasi da hirugarren fasea, eta Rafael Pikabea etorbidearen inguruko trafikoan eragingo du, ostegun goizera bitartean.
Udalak jakinarazi duenez, bidegorria itxita egongo da, Atamitxetik Kalexako zubiaren arteko zatian. Bidegorriaren bi zatiak lotzen dituen errepide zatiaren inguruan ere trafiko aldaketak egon daitezke, eta itxi ere egin daiteke. Gaur goizean, esaterako, Isasti etxadian eta Igerobi bidea itxita zeuden.
Ulerkor izateko eskaera
Oiartzungo Udalak gidariei eskatu die erne ibiltzeko, baita ulerkorrak izan daitezen ere. “Arditurriko bidegorria eta oiartzuarren mugikortasuna hobetzeko ezinbestekoa izango da”, gaineratu dute.
Argiztapena hobetzeko obren hirugarren fase horretan Atamitx eta Igerobi bidearen arteko argiztapena berrituko dute. Uztailean hasi ziren argiztapena berritzen.