[Bideoak eta galeria] Festarako gosea Lezon
Santakrutzak hasi dira. Ane Vicente Oiaga eta Julen Hernandez Macho alkate txikiak arduratu dira, ondo aski gainera, jaiei hasiera emateaz.
Murixkako dantzariak, txupinazoan. Hasi dira Lezoko Santakrutz Jaiak. Ofizialki bai bederen, aurreko egunetan Piztu Lezok egindako ekintzak asko izan direlako, eta atzo bertan Jauregialde inguruan ere jai giroa izan zelako. Baina harira: Ane Vicente Oiaga eta Julen Hernandez Macho alkate txikiak arduratu dira suziriari su eman, eta lezoarrak aztoratzeaz. Oparo datoz Oarsoaldeko eta Bidasoko azken jai handiak.
Alkate txikiek esan dute egitarauaren barruan gustu eta din guztietarako ekitaldiak daudela. Eta horiek gozatu egin behar direla, “xano”. Eta oroitarazi dute, Korrika herritik pasatu zenean euskararen aldeko klika egiteko konpromisoa hartu zela, eta erabaki hori jaietan ere azaldu behar dela, plazetan, tabernetan, bazkarietan… edonon.
Jaiak hasita, Murixkako dantzariak arduratu dira Tomas Garbizu Musika Eskolako ikasle eta irakasleen musikarekin jaiak era martzialean hastera. Denak serio. Egoerak merezi zuen. Zuzen arraio jarri dira denak Lezo herria ereserkia bitartean. Ederra. Eta segidan, erraldoi eta buruhandiekin herri osoa konturatu da zerbait berezia pasako dela datozen egunetan, astelehena arte zehazki. Santakrutzak dira.
Jarraian, argazkien eta bideoen ondoren datozenak datozen orduetako jai ekitaldiak dira. Denak gozatu, lezoar eta bistari!
- 20:00. Kartelada Gurutze Santuaren plazan.
- 20:30. Entsalada lehiaketan familientzat Karlos Saldise plazan.
- 21:00. Disko-jaia gaztetxoentzat Gurutze Santuaren plazan.
- 22:45. Allerru, Altzate, Ixkulin eta Tiñelu elkarteetako helduen danborrada.
- 23:45. Danborraden topaketa.
Bihar, larunbata
- 09:30. Motozaleen irteera Lezotarra tabernatik.
- 10:00. Diana txistulariekin.
- 10:00. Puzgarriak Lopenen.
- 11:00. : Gazteentzat zinta lasterketa Goiko plazan.
- 11:00. Meza nagusia.
- 12:00. Herri kirolen erakustaldia
- 12:00. Muxiko Eguna.
- 12:00. Buruhandi eta erraldoiak.
- 13:00. Batukada.
- 14:00. Jubilatuen bazkaria Etxeberri jatetxean, (10 euro)
- 14:30. Dantzazaleen bazkaria Karlos Saldise plazan.
- 14:30. i-14 egunaren txupinazoa plazan eta talde argazkia.
- 15:00. Arrantzale eta Tartekoen bazkaria herri eskolako patioan.
- 17:00. Puzgarriak Lopenen.
- 17:00. Dantza solteko txapelketa
- 17:30. Josetxo Etxandi pilota txapelketaren finalak frontoian.
- 18:00. Buruhandi eta erraldoiak.
- 18:30.Larrain dantza plazan.
- 19:30. Jaixkipe txaranga.
- 19:30. Dantzaldia Laketekin.
- 20:30.Eztanda taldeak ‘bokatak’ jarriko ditu plazan.
- 22:00. Zezen suzkoa. Jarraian, Gozategi Karlos Saldise plazan.
- 23:00. Su artifizialak kaitik
- 00:00.Kaotiko eta DJ Map-H Karlos Saldise plazan.
Etzi, larunbata
- 08:00: Gaupaseroen argazkia Gurutze Santuaren plazan.
- 09:00: Plater tiraketa Arkaleko kantxan.
- 10:00: Diana eskualdeko dultzaineroekin.
- 12:00: Inude eta artzaien desfilea Lopenetik abiatuta.
- 16:00: Truk txapelketa Tiñelu elkartean.
- 17:30: Josetxo Etxandi XLIV. oroitaldiko pilota txapelketaren herri mailako finalak, Josetxo Etxandi frontoian (eguraldi txarrarekin Koldobike Gezala frontoian).
- 19:30: Buruhandi eta erraldoien kalejira Munttar Lezoko Txistulari Elkartearekin Karlos Saldise plazatik.
- 20:30: Dantza emanaldia Kukai eta Brodas Bros: ‘Topa’ eta Maduixa valentziarrak: ‘mulier’ Josetxo Etxandi frontoian (eguraldi txarrarekin Lezo Herri Eskolako patioan).
- 22:00: Su artifizialak kaitik (Polentzarrene aurrean).
Irailak 16, astelehena, baserritarren eguna.
- 09:30: Ganadu feria Josetxo Etxandi frontoian.
- 12:00: Idi demaren saioa probalekuan.
- 13:30: Ganadu feriaren sari banaketa probalekuan.
- 14:00: Baserritarren bazkaria Tiñelu elkartean.
- 18:00: Idi demaren saioa probalekuan.
- 18:30: Munduko dantzak. Talde eta estilo ezberdinen dantza eskitaldia Zubitxoko plazan.
- 19:00: Buruhandi eta erraldoien kalejira Munttar Lezoko Txistulari Elkartearekin Karlos Saldise plazatik.
- 19:00: Patata tortilla lehiaketa eta Maria Lasa eta Irati Irurtzun trikitilariak Zubitxoko plazan. Izen emateak Lezotarra, Itzel Tiñelu eta Azkena tabernetan.
- 20:00: Bertso saioa Gurutze Santuaren plazan: Andoni Egaña, Sebastian Lizaso, Irati Alcantarilla eta Jokin Irastorza. Gai-jartzailea: Amaia Agirre.
- 20:00: Afari-merienda herrikoia eta Trikitixa Zubitxoko plazan. Bakoitzak bere afaria, udalak sagardoa.
- 21:45: Tomas Garbizu Lezoko Udal Musika Eskolako bandaren emanaldia Gurutze Santuaren plazan. Jarraian, zezen suzkoa.
