Euskotren Ligan arituko ez badira ere, handiak dira
Hibaika ez da arituko Euskotren Ligan datorren denboraldian. Hondarribi aurretik izan da play offeko bi estropadetan.
Saiatu dira amaiera arte, eta gogor borrokatu iragarri bezala, baina ez da posible izan. Hibaika ez da arituko Euskotren Ligan datorren denboraldian. Hondarribi aurretik izan da play offeko bi estropadetan. Larunbatean, Bermeon, zortzi segundoko errenta lortu zuten hondarribiarrek eta atzo Portugaleten, bi segundora jaitsi zuen errenta, beraz ETE ligan arituko dira Maia Gezalak entrenatzen dituen neskak datorren denboraldian ere.
Borrokalariak direla erakutsi dute beste behin ere errenteriarrek eta denboraldi ederra utzi dute; Gezalak esan moduan, “palada bakoitzean segundoa eta zentesima bakoitza borrokatzen du tripulazioak”. Ez da zalantzarik hala egin dutela eta lan ikaragarria egin dutela ere dauden lekuan izateko eta denboraldian izan dituzten lorpenak izateko. Lan gogorra Hibaikako Madalen ontziaren atzean, eta baita umiltasuna ere galtzeko zein irabazteko.
Arraun klubak, asteburuko irabazleak zoriondu ditu, “Zorionak Hondarribia, Orio, Ares, Getxo eta Zarautzi, batzuk maila mantendu, besteek igo eta besteek liga irabazteagatik”.
Afizioa ere harro dagoela Hibaikako arraunlariekin argi utzi du.