Gaztañoko Sorgunea, ikasturte berriari ekiteko prest
Horren erakusle aurten ere prestatu dituen ikastaroak eta urritik aurrera eskainiko dituen hitzaldi aberasgarri bezain interesgarriak.
Euskal dantza eta txalaparta ikastaroak antolatu ditu Gaztañoko Sorguneak. Ikasturte berriari erantzuteko prest da Gaztañoko Sorgunea. Horren erakusle aurten ere prestatu dituen ikastaroak eta urritik aurrera eskainiko dituen hitzaldi aberasgarri bezain interesgarriak. Azken horien datak zehaztu gabe dituztela eta, datozen asteetan jakinaraziko dituzte arduradunek. Asmoa hilabetean behin gai ezberdinen bueltan lotzea da.
txalaparta eta dantza ikastaroetan izena emateko epea zabaldu dute. Iazko taldeek jarraituko dute, baina jende berria hartzeko prest daude. Interesdunek aste honetan bertan parte har dezakete txalaparta tailerraren aurkezpen ekitaldian.Ostegunean izango da gaztañoko lokal berrian 20:o00etan eta Ainara Agirrek gidatuko du.
Euskal dantza ikastaroa berriz, urriaren 3an aurkeztuko dute 18:45ean eta Marisa Mujikak gidatuko du.
Ikastaroez eta hitzaldiez gain, urtean zehar komunikazio ez bortitzaren gaineko ikastaroa, Gaztañerre Eguna, Artisten Kluba, Olentzero eta Mari Domingiren etorrera, kantu bazkaria, edo Gu!azen Eguna antolatuko dituzte: “Auzoarentzat auzolanez egindako proiektu honetan parte hartzera deitzen ditugu gaztanoarrak eta idei edo proposamen berriak dituztenak gurekin harremanetan jartzera deitu nahi ditugu”. Horretarako bidea, posta elektronikoz mezua bidaltzea.
