Harremantxok bi ekintza burutuko ditu Jardunaldi Feministen berri emateko
'Salda Badago' lelopean egingo dituzte aurten Euskal Herriko Jardunaldi Feministak azaroan. Harremantxo kolektiboa motorrak berotzen hasia da eta bi ekintza iragarri ditu Antxon hilaren 27an eta urriaren 3an.
Harremantxoko kideak Alardean izan ziren, Jaizkible konpainiako kideei babesa adierazteko. Argazkia: Harremantxo Durangok hartuko ditu aurten Euskal Herriko V. Jardunaldi Feministak azaroaren 1etik 3ra. Salda badago leloa aukeratu dute, eta argi dago Pasai Antxon zerbait egosten ari dela. Harremantxo kolektiboak ere, bat egingo du jardunaldiekin eta aldez aurretik, horien berri emateko bi ekintza iragarri ditu.
Lehena ostiralean izango da, San Fermin Txikien atarian, txupina jaurti baino ordubete eskas lehenago. 19:00tan argazkia egingo dute Zumardian eta aukera baliatuko dute, brindisa egiteko, badagoelako zer ospatu. Hurrengo astean, urriaren 3an Durangoko nondik norakoak azalduko dituzte, sakonago. Jardunaldien aurkezpena egingo dute 18:00etatik aurrera, Pasai Antxoko azokan.
Salda da aukeratu duten metafora jardunaldientzako, salda bakarra ez, salda mota asko daudelako, baita hura prestatzeko mila modu ere. Aniztasunaren salda horretan, ez dira faltako antxotarrek eramandako osagaiak.
