Ia 19.000 lagunek probestu dute uda igerileku irekian
Iaz baino erabiltzaile pixka bat gutxiago izan dira udako igerilekuan. Hala ere, balorazioa positiboa da. Berritasuna, datorren urterako.
Igerileku ingurua aldatuko dute.
Udako igerilekua irailaren 15ean itxi zuten, hiru hilabeteren ondoren. Behin itxita, denboraldiaren balantzea egiteko txanda iritsi da. Zerbitzuak 18.865 erabiltzaile izan ditu, iaz baino pixka bat gutxiago. Hala ere, balorazio positiboa egin dute arduradunek.
Udako igerileku irekia izanda, eguraldiaren apeten menpe dago erabiltzaile kopurua. Horri egotzi diote erabiltzaileen jaitsiera. “Oso eguraldi ona edo nahiko txarra egin du uda honetan. Eguraldi ona egin duen egunetan erabiltzaile asko izan ditu udako igerilekuak, baina besteak egun lasaiak izan dira”, zehaztu dute.
Berritasuna
Datorren denboraldia hasten denerako, berrikuntza lanak egin nahi dituzte udal zerbitzu horretan. Igerilekua inguratzen duen lur guztia aldatuko dutela iragarri du udalak. Aldaketa hori erabiltzaileen onurarako izango dela uste dute.
