[Galeria] Sagarrak biltzen eta jotzen ikasi dute
Herri sagardoa egiteko bigarren saio irekia egin dute. Sagardoa jotzen ikasi dute, sagardiak hustuta uzteaz gain.
Pasa den larunbatean, oiartzuar mordoxka bat bildu zen herri sagardoaren bigarren ekitaldi irekian parte hartzeko. Goizean, sagarrondoen fruitua jaso zuten haur, zahar eta gazteek. Kizkiak hartuta, saskiak betetzen aritu ziren, ondoren zakuetara pasatzeko. Behar bezalako hamaiketakoarekin hartu zituzten indarrak.
Eguerdian atseden hartu ondoren, arratsaldean jo zituzten sagar horiek berak, sagardo izango den zukua egiteko. Larunbatean zitzarra probatzen aritu ziren, oraindik alkoholik ez daukan likidoa.
Duela hiru asteburu egin zuten lehenengo sagar bilketa. Bi helburu ditu herri sagardoa egiteak. Alde batetik, herriko eragileek antolatzen duten ekitaldietarako tragoak hornitzea. Bestalde, haur eta gazteek ezagutzea nola egiten den sagardoa.
Argazkiak Jon Etxezurieta Adurizenak dira.