Tren Berdea eta meategien bisita katea daitezke asteburuan
Datorren larunbatean Tren Berdea martxan egongo da, Arditurri ingurura bisitariak eramateko. Prezio bereziak izango dira.
Arditurriko meategia ezagutzeko momentua beti da egokia, baina momentu batzuk beste batzuk baino egokiagoak dira. Datorren larunbatean —hilak 12— Tren Berdean Arditurrira joateko aukera egongo da, prezio berezian.
Tren Berdea eta Arditurriko meategia konbinazioak zazpi euroko prezioa izango du, sakonean bisitatu nahi izanez gero (12 urtez beherako haurrek bost euro ordaindu beharko dute). Oinarrizko bisita egin nahi duenak bost euro ordaindu beharko ditu (haurrek, hiru).
Trenak hiru irteera egingo ditu, Pagoaldea industriagunetik aterata: 10:00etan, 11:00etan eta 12:00etan. Bisitak bukatzen direnean, bisitariak irteera puntura bueltatuko dira, berri ez ere Tren Berdean.
Aldez aurretik erreserba egin beharko da, 943 49 50 69 edo 688 895 068 telefono zenbakietara deituta, edo e-posta bidez idatzita.