'Golde Apple Xey' musika ikuskizuna, azaroaren 22an
'Golden Apple Xey' ikuskizunean EMKEren banda eta Golden Apple Quartet ahots taldea elkartuko dira, Los Xey taldea omentzeko.
Los Xey taldea. Errenteriako Musika Kultur Elkartearen (EMKE) bandak eta Golden Apple Quartet ahots taldeak bat egingo dute azaroaren 22an: Golden Apple Xey ikuskizun musikala emango dute, 20:30ean hasita, Fatimako Andra Mariaren elizan. Ikuskizunaren izenak argi dio: bi musika taldeek, Los Xey talde historikoaren abestiak interpretatuko dituzte, 16 denera, Xabi Zabala musikari zarauztarrak eurentzat moldatuak. Carlos Rodriguez Albisturren esku izango da musika emanaldiaren zaintza artistikoa, hura izango da zuzendaria.
Sarrerak astelehenean (hilaren 14an) jarriko dituzte salgai Niessen Kulturgunean. Hegan egingo dute, ziur. Hala, publiko orokorrak erosi beharko dituen sarreren prezioa 10 eurokoa da; EMKEren bazkideek merkeago erosi ahal izango dituzte, 7 euroan.
EMKEtik adierazi dute Golden Apple Quartet-ekoek, euren musikaren ikuspegiari esker, emanaldiari izaera oso berezia emango diotela. Izan ere, 1950eko hamarkadan sona handia eskuratu zuen Los Xey taldeak, tartean errenteriar bat zela: Xabier Olaskoaga. Beraz, Olaskoagari, nahiz Los Xeyren taldeari eta haien jarraitzaileari egingo dieten omenaldi antzekoa izan daiteke azaroaren 22ko kontzertu hori. “EMKEtik eta Errenteriako Udaleko Kultura sailetik ekitaldi honen aldeko apustu irmoa egin dugu, Xabier Olaskoaga izan baitzen Los Xey taldeko kideetako bat.
