Hilaren 26an, Zubitxo Korkoi Eguna
Zubitxo Korkoi Eguna egingo dute hilaren 26an. Piztu Lezok bere dinamikaren barruan, elegantzia kanpotik eta barrutik dutela azalduko dute herritarrek.
Zubitxon hasiko dute festa. Hilaren 26an, Zubitxo Korkoi Eguna izango da Lezon, lehenengoz. Piztu Lezo dinamikaren barruan, herria elegante-elegante girotuko dute. Larunbat horretan, lezoarrek demostratuko dute elegante badirela elkarlanean, gozatzen, eta euskaraz. Azalean eta mamian.
Egitaraua ez da oparoa, bai mamitsua. 19:30ean hasierako brindisa egingo dute, nola bestela, Zubitxoko zubian (tragoska norberak eraman behar du). Jarraian poteo girotuari ekingo diote.
Motorrak egoki berotu ondoren, Koldobike Gezala pilotalekuan, Elegante Afaria: alfonbra gorria, photocalla, musika eta dantza izango dira.
Beraz, hala nahi dutenek, azken ezkontzako jantzi eleganteei beste erabilera bat behintzat emateko aukera izango dute. Kontuz; elegantzia ez dator bat beti janzkerarekin.
