Pasaia KEk 93. minutuan galdu, baina... sartu al zen baloia?
Pasaia KEk luzapeneko garaian galdu zuen atzo Las Llanas zelaian. Antxotarrak kexu dira, uste dute baloiak ez zuela golaren marra gainditu.
Bideotik ateratako unea. Irudia: Sestao River. Pasaia Kirol Elkartearen Hirugarren Mailako taldeak oso partida txukuna jokatu zuen atzo arratsaldean Sestao River taldearen zelaian, Las Llanasen. Lan handia egin zuten antxotarrek, baina 93. minutuan epaileak ontzat eman zuen gola sartu zuten bizkaitarrek, Zumalakarregi jokalariak zehazki. Oso ondo ari da Pasaia aurten ere Hirugarren Mailan, eta kategoriako handi baten kontra partida ederra egin zuen atzo, baina…
Hala ere, Pasaia KEko jokalariak zelaian, eta ondorenean klubeko buruek kezka eta haserrea azaldu zuten. Uste dute baloiak ez zuela gainditu golaren marra zuria. Ondoko bideoan ageri da garaipena Sestaoren alde erabaki zuen jokaldia. Sartu al zen baloia?
Pasaia KErekin harremana jarri da HITZA. Bertako zuzendaritzako kideek adierazi dute errekurtsoa aurkeztuko dutela federazioan, azter dezaten ea benetan baloiak goleko marra zuria gainditu zuen, ala ez. Gainera, Pasaiatik gogorarazi dute joan den sasoian 2-1 galdu egin zutela Las Llanasen, eta goletako bat ez legezkoa izan zela haien iritziz.
Bideoa, Sestao Riverren Twitter kontutik ateratakoa da. Ikusi, eta aztertu.
El gol de la victoria!! pic.twitter.com/UQrSQkZsNo
— Sestao River Club (@SestaoRC) October 13, 2019
