10301 proiektuan jasotako elikagaiekin zer egin duten azalduko dute
Hilaren 23an bilera informatiboa egingo dute bibliotekako Ikasle Gelan. Janariarekin zer egin duten azalduko dute, eta Zaporeak-en jarduna azaldu.
Udaberriaren bueltan, 10301 Elkartasun Keinu egitasmoa egin zuten Oiartzunen, errefuxiatuekin lan egiten duten erakundeak laguntzeko. Zehazki, Itsas Salbamendu Humanitarioa eta Zaporeak proiektuak laguntzeko asmoarekin abiarazi zuten kanpaina hura. Horrez gain, errefuxiatuen gaiarekin sentsibilizatu nahi zituzten oiartzuarrak.
Oiartzunen jasotako elikagaiak nora bideratu dituzten azalduko dute.
Kanpainak iraun bitartean, Itsas Salbamendu Maritimoko ordezkari batek eman zituen azalpenak. Orduan jasotako dirua —11.830 euro, aurreikusitako langa gaindituta— Aita Mari itsasontzia laguntzeko bideratu zuten.
Orain, Zaporeak erakundekoen txanda izango da. 10301 Elkartasun Keinuren barruan jasotako elikagaiak erakunde hari bideratu zizkioten.
Hurrengo asteazkenean, hilak 23, Zaporeak erakundeko boluntarioak hurbilduko dira Oiartzunera. Bertan azalduko dute zer egin duten 10301 kanpainan oiartzuarrek emandako jakiekin. Horrez gain, beraiek lan egiten duten errefuxiatu guneen berri ere emango dute.
Bilera informatiboa 19:30ean izango da, Manuel Lekuona bibliotekako Ikasle Gelan. 19:30ean hasiko da.
