Kamiseta arrosak bularreko minbiziaren aurka
Larunbatean, Bularreko Minbiziaren Aurkako Mundu Eguna izango da. Horren harira, udal kiroldegiek bat egin nahi izan dute gaitz horren aurka eta aste honetan zehar arrosa koloreko kamisetak saltzen ari dira Galtzaraborda zein Fanderiako eraikinetan.
Bularreko minbiziaren aurkako egunarekin bat egin dute udal kiroldegiek. Larunbatean, Bularreko Minbiziaren Aurkako Mundu Eguna izango da. Horren harira, udal kiroldegiek bat egin nahi izan dute gaitz horren aurka eta aste honetan zehar arrosa koloreko kamisetak saltzen ari dira Galtzaraborda zein Fanderiako eraikinetan. Saldutako kamiseta bakoitzetik euro bat Gipuzkoako Katxalin elkarteari emango diote.
Bularreko minbizia edo gaixotasun ginekologikoren bat diagnostikatua duten pertsonekin lan egiten du elkarte horrek, eta pertsona horiei laguntzeaz gain, ikerketara bideratzen dituzte laguntzak. Kamisetak 6 euro balio du bazkideentzat, eta 8 bazkide ez direnentzat. Gaixotasun horren aurka borroka egiten ari diren prestona guztiei elkartasuna adierazteko larunbat honetarako antolatuta dauden ekimenetara arrosa koloreko kamiseta jantzita eramateko proposamena luzatu die.
Bularreko minbizia, tumore gaizto ohikoena da emakumeen artean, eta urtero 1.300 kasu baino gehiago antzematen dira Araba, Bizkai eta Gipuzkoan.
