Aiora Irazu hogeigarren izan da munduko txapelketan
Pasaia Kayakekoak ezin izan dio burukoek jarritako erritmoari eutsi. Gainera, arazo teknikoak izan ditu, tartean lemarekin. Hala ere, Top20an sartu da.
Aiora Irazu entrenamendu saio bat egiten lehiaketa-eremuan, Shaoxingen.
Hamasei herrialdetako espezialista onenak bildu zituen ur lasaietako piraguismoaren iraupen luzeko proba nagusiak. Bertan aritu zen Irazu, zirkuituari bost itzuli emateko.
Hasieratik ikusi zen faborito nagusiek –bi ordezkari hungariarrek– erritmo gogorra jarri eta proba hausteko asmoa zutela, eta halaxe gertatu zen. Irazuk ezin izan zion buruko erritmoari eutsi, eta hainbat arazo tekniko izan zituen, gainera. Lemarekin izan ziren arazo larrienak.
Eragozpenak eragozpen, Top20an sartzea lortu zuen oiartzuarrak. Bere denbora ordubete, 42 minutu eta hemeretzi segundokoa izan zen.
Denboraldi bikaina
Irazuk denboraldi bikaina burutu duPasaia Kayak taldearekin. Garaipen eta ohorezko postu asko lortu ditu urte osoan zehar.
Irazuk denboraldi bikaina burutu duPasaia Kayak taldearekin. Garaipen eta ohorezko postu asko lortu ditu urte osoan zehar.
Horren erakusgarri dira, esaterako, ur lasaietako Euskadiko Maratoiko txapeldun-titulua, eta Ibai eta Zeharkaldietako Espainiako txapeldun-titulua lortu izana.
Pirinioetatik harago, nazioarteko hainbat lehiaketetarako sailkapena lortu du: Txekiar Errepublikan jokatutako Sprint Olinpikoko Europako Txapelketarako; Frantzian jokatutako ur lasaietako Europako Maratoi Txapelketarako eta, azkenik, Txinan jokatu berri duen Munduko Txapelketarako. Espainiako Txapelketetan eta Espainiako Kopetan lortutako emaitza aparten ondorioz lortu ditu txartela horiek.
Denboraldia luze joan da eta atsedena hartzeko garaia du orain Pasaia Kayak taldeko kirolariak. Datorren denboraldian hobetzen eta aurrera egiten jarraitzeko asmoa du. Aurten nazioarteko lehiaketetarako selekzioarekin prestatu eta lehiaketa horietan parte hartu izana oso lagungarria izango zaio horretarako.
Denboraldia luze joan da eta atsedena hartzeko garaia du orain Pasaia Kayak taldeko kirolariak. Datorren denboraldian hobetzen eta aurrera egiten jarraitzeko asmoa du. Aurten nazioarteko lehiaketetarako selekzioarekin prestatu eta lehiaketa horietan parte hartu izana oso lagungarria izango zaio horretarako.
