Zein mozorro jantziko du Errenteria-Oreretak 2020ko inauterietan? Zuk zeuk erabaki
Hilaren 27ra arte eman ahal izango da botoa. Herritarrek sei aukeraren artean hautatu ahal izango dute. Azaroaren 6an jakinaraziko dute nork jaso dituen boto gehien.
Gaiak gai, Azeri Dantzarekin hasiko dira inauteriak. Atlantikaldiaren ajea eta giro goxoa pasa besterik ez da egin, eta Errenteria-Oreretan hasi dira agendan apuntatuta dituzten festekin gogoratzen. Inauterien Batzordea hasi da 2020ko inauteriak prestatzen, eta azken urteetan klasiko bihurtu den bozketa ireki berri dute.
Datorren urteko otsailaren 20tik 25era bitartean hiriko dendak, tabernak, kuadrilla eta abarrak zertaz mozorrotuko diren erabakitzeko momentua iritsi da. Herritarrek sei gai izango dituzte aukeratzeko: Jostailu eta jolasak; Kirolak; Intsektuak; Teoren ipuinak; Zonbiak eta Janariak.
Botoak hilaren 27ra arte eman daitezke, Internet bidez edo bota kutxan aukeraketa sartuta. Honako toki sar daiteke papertxoa: udaletxea, Merkatuzar, Niessen Kulturgunea, udal liburutegiak, Xenpelar Etxea eta Fanderia eta Galtzarabordako kiroldegiak.
Botoak jaso eta zenbaketa egin ondoren, Inauterietako Batzordeko kideek azaroaren 6an jakinaraziko dute kideek boto gehien jasotako gaia zein izan den.
