Erabakitzeko eskubidearen eta buruzagi kataluniarren askatasunaren alde atera dira
Gehiengo sindikalak deituta, elkarretaratzea egin dute Done Eztebe plazan, eguerdian. Herritarrek, EH Bilduko eta EAJko ordezkariek bat egin dute deialdiarekin.
Goizeko 11:00etan egin dute elkarretaratzea.
ELA, LAB, Steilas, ESK, Etxalde eta Hiru sindikatuek deituta, elkarretaratzea egin dute gaur goizean Oiartzungo Done Eztebe plazan. Langile eta herritarrez gain, EH Bildu eta EAJ udal taldeetako ordezkariak izan dira elkarretaratzean, atzo adostu zuten adierazpen instituzionalean iragarri zuten bezala.
Pasa den astelehenean zigortu zituzten buruzagi independentisten askatasuna eskatu dute, eta erabakitzeko eskubidearen zilegitasuna defendatu dute. Udaletxearen balkoian, gainera, Kataluniaren aldeko kartela jarri dute. Gainera, biharko manifestaziora joateko gonbita luzatzeko baliatu dute aukera, eta Altsasuko gazteei ere bidali diete
Done Eztebe plazan izan ezik, beste hainbat lantokitan ere bai mobilizatu dira, Kataluniaren alde. Oarsoaldeko eta Bidasoko udalerri guztietan egin dituzte mobilizazioak.
Niesseneko elkarretaratzea.
