Zabala Enearen egun handia, larunbatean
Zabala Enea III Gaztetxearen hemeretzigarren urteurrena ospatuko dute larunbatean; Krono igoera, bazkaria, jolasak eta kontzertuak izango dira.
Gaztetxearen urteurreneko ospakizuna duela bi urte. Heldu da egun handia, larunbatean hemeretzigarren urteurrena ospatuko du Zabala Enea III gaztetxeak. Merezi moduan ospatzeko egitarau zabala antolatu du gazte asanbladak. Goizean krono igoera antolatu dute Gaztañotik barrena eta parte hartu nahi dutenek egunean bertan eman beharko dute izena. Ekitaldia helduko da ondoren; Agirre Lehendakariaren plazan izango da 13:30ean eta hura amaituta bertan elkartuko dira mahaiaren bueltan.
Bazkarirako txartelak Sindikato eta Arkaitza tabernetan izango dira salgai, 10 euroan langileentzat eta 7 euroan langabeentzat.
Jolasen txanda helduko da bazkaria amaituta, zehazki kategorien jolasa, eta 17:30ean kalejiran gaztetxeraino igoko dira. Han musikarekin dute hitzordua. 18:00etan hasiko da Hara, Herenegun eta Higa taldeen kontzertua, eta 23:40an lekukoa hartuko die DJ Bullek.
Afariak emango dituztela gaztetxean bertan w21:00etatik aurrera jakinarazi dute.
