Lur orotako ibilgailua Babes Zibilarentzat
Lur orotako ibilgailu berria du Babes Zibilak. Udalak eman dio ibilgailu hori. Isuzu Pick Up 4x4 modeloa da, elurra kentzeko palak eta gatza banatzeko gailuak hornituta.
Ibilgailua berria du Babes Zibileko lantaldeak. Lur orotako ibilgailu berria du Babes Zibilak. Udalak eman dio ibilgailu hori. Isuzu Pick Up 4×4 modeloa da, elurra kentzeko palak eta gatza banatzeko gailuak hornituta. Hala eguneroko eginkizunez gain, elurteetan Brigadako ibilgailua iritsi ezin daitekeen kale estuetara sartu ahal izango dute garbiketa lanak egiteko. Ibilgailu honetaz gain, Babes Zibilak beste lur orotako bi eta quad bat ditu.
28 lagunek osatzen dute Babes Zibila lantaldea, denak boluntarioak eta egiten dituzten zereginetarako formakuntza jasotakoak. Udaltzaingoari, suhiltzaileei zein osasun langileei laguntzen die lantalde horrek, eta larrialdiez gain, aurreikusitako ekitaldietan ere aritzen dira boluntarioak. Bernar Lemos Segurtasun azpisailaren zinegotziak taldea osatzen duten boluntarioek egiten duten lana nabarmendu du.
Nahi duen orok ateak zabalik dituela Babes Zibilean parte hartzeko esan dute, “beti dator ondo jende gehiago animatzea”. Taldeko kideek oso perfila ezberdinak dituztela azaldu dute, denbora gehien daramanak 26 urte bete ditu taldean, eta azkena hilabete da heldu zela. Asteazkenero egiten dute bilera 19:00etan Babes Zibilaren egoitzan, Udaltzaingoaren ondoan dago lokala.
