Gizon bat atxilotu dute bikote ohiari sexu erasoa egiteagatik
29 urteko gizon bat atxilotu du Ertzaintzak Errenteria-Oreretan bikotekide ohiari sexu erasoa egiteagatik.
Hamarka lagun elkarretaratu ziren pasa den ostegunean , herrian egun gutxiren buruan izandako hiru eraso sexista salatzeko. 29 urteko gizon bat atxilotu du Ertzaintzak Errenteria-Oreretan bikotekide ohiari sexu erasoa egiteagatik. Larunbatean atxilotu zuten, eraso zuen emakumeak SOS Deiaken urgentzia telefonora deitu ondoren. Ertzaintzaren hainbat patruila bertaratu ziren emakumearen etxebizitzan eta bertan atzeman zuten gizona. Emakumea Donostia ospitalera eraman zuten artatzeko eta 29 urteko gizona, berriz, atxilotu egin zuten. Indarkeria matxistagatik aurrekariak ditu atxilotutako gizonak, eta atxilotzeko unean, simulatutako pistola topatu zuen Ertzaintzak.
Atzo eraman zuten atxilotua epailea aurrera, sexu erasoa egitea egotzita.
Oreretako Mugimendu Feministak azken egunetan izandako hiru eraso sexista salatzeko elkarretaratzea egin zuen pasa den ostegunean. Larunbateko erasoarekin, zortzi dira guztira urtean zehar Errenteria-Oreretan salatu dituzten eraso sexistak. Mugimendu feministak ez du momentuz deialdirik egin, baina datozen orduetan elkarretaratzerako deialdia zabaltzea espero da.
