'Ghero Azken Euskalduna' antzezlanak euskararen biziraupena izango du ardatz igandean
3000. urtean testuingurua duen obrak, euskararen erabileraren inguruko hausnarketa dakar. Igandean antzeztuko dute Juanba Berasategi auditorioan, 19:00tan Tartean konpainiaren eskutik.
'Ghero Azken Euskalduna' igandedean antzeztuko da, 19:00etatik aurrera, Juanba Berasategin. Hizkuntza aniztasunaren aldarrikapen irmoa egingo dute Donibanen igande arratsaldean. Ghero Azken Euskalduna antzezlanak euskara protagonista nagusitzat badu ere, hizkuntza guztien eta bereziki hizkuntza gutxituen zaintzaren garrantziaz ohartarazi nahi du. Ghero Azken Euskalduna Juanba Berasategi auditorioan antzeztuko da igandean, 19:00etatik aurrera.
3000. urtea irudikatzen da obran. Euskara desagertzear da baina planetan geratzen den azken euskaldunak hizkuntzak nola edo ahala bizirautea nahi du, ia ezinezkoa bada ere. Euskararen jatorrian ez, baizik eta euskararen biziraupenean jarriko dute azpimarra, jendeak hausnarketa egin dezan, izan ere, globalizazioak aurrera egin ahala, hizkuntza gutxituak atzera egiten ari dira.
Tartean Konpainiak dakar hizkuntza aniztasuna oinarri duen obra, eta Euskaltzaindiaren babesa jaso du, erakundeak 50. urte bete dituen honetan. Euskaraz gaina hizkuntza ugari entzun ahalko dira antzezlanean, hala nola, gaztelania, ingelesa, txinera edota galiziera. Atzera ere begiratuko dute, hildako hizkuntzak berreskuratuko dituzte eta; latinera, miq-mack-era (Ternuako aborigenen hizkuntza), iberiarrera eta protoeuskara besteak beste. Harrigarria badirudi ere, ez da inongo azpititulurik proiektatuko, dena antolatuta baitago edozeinek ulertu ahal izateko.
