Truk txapelketa jokatuko dute Arraguan, 'Gara'-ren alde
Datorren ostiral gauean izango da 'Gara'-ren aldeko truk txapelketa, Aldeguna elkartean. Sari ederrak banatuko dituzte irabazleen eta errepeskakoen artean.
15 euroren truk parte har daiteke txapelketan. Gara egunkaria kanpaina egiten ari da, Gizarte Segurantzak ezarri dion zorra kitatzeko. Oiartzuarrek beren ekarpena egin nahi dute, eta horregatik, truk txapelketa egingo dute datorren ostiralean, hilak 22.
Arraguako Aldeguna elkartean topatuko dira trukzaleak, 22:00etan. Izen emateak 15 euroko kostua izango du (prezio horren barruan sartuko da errepeska). Truk txapelketa bati dagokion moduan, sari potoloak banatuko dizkiete finalerdietara (gutxienez) iristen direnei, baita errepeskako lehenengo hirurei ere. Honakoak izango dira sariak:
Sariak
- 1. saria: Arkume bat, bi legatz eta mariskoa.
- 2. saria: arkume eta bi ardo botila.
- 3. saria: Bi legatz eta bi ardo botila.
- 4. saria: Bi untxi eta bi ardo botila.
Errepeskakoentzat
- 1. saria: Bi legatz eta bi langostino kaxa.
- 2. saria: Bi langostino kaxa eta bi xanpain botila.
- 3. saria: Bi oilasko.
