Parketarrak: haurrak eta gurasoak elkarrekin, euskaraz jolasten Lezon
Parketarrak egitasmoaren barruan, bi sasio egingo dituzte Lezon. Lehena bihar (ostirala) da, eta bigarrena hilaren 29rako antolatu dute.
Saioak iragartzeko kartela. Parketarrak egitasmoari ekingo diote Lezon. Bihar (hilak 22, ostirala) eta 29an bi saio egingo dituzte. Baina, zer da Parketarrak? Jolasen bitartez familiartean ere, parkean, euskaraz aritzeko egitasmoa da. Biharko hitzorduak bi dira: 17:00etan, Karlos Saldisen, 3-5 adin tarteko haurrek eta haien gurasoek Zabu Ziburen laguntzaz topaketa egingo dute; 18:00etan, 6-9 adin tartekoen txanda (ez da beharrezkoa gurasoek laguntzea) Txirrintxon jarduerari ekiteko.
Lezo Herri Eskolako Euskara Talaiak, udalarekin elkarlanean bultzatutako egitasmoa da Parketarrak, haurrak eta gurasoak elkarrekin jolasean aritzeko, euskaraz.
Biharko saioen ondoren, 29an ere berriz ere egingo dituzte, ordu eta toki berberetan.
