Euskal dantzak ez du adinik
Errenteria Musikalek euskal dantzan aritzeko aukera eskainiko die helduei ere. Eskaintza berria da, eta atzo aurkeztu zuen. Helduei begirako euskal dantza ikastaroa da bat, eta dantzari izandako eta zaletasun hori berrartu nahi duten pertsonei zuzendutako beste bat. Halaber herriko adinekoentzako egoitzekin duten hitzarmenaren berri eman dute.
Helduentzako Euskal Dantza ikastaroak Errenteria Musikalen. Argazkia: Herri Bizia Errenteria Musikalek euskal dantzan aritzeko aukera eskainiko die helduei ere. Eskaintza berria da, eta atzo aurkeztu zuen. Helduei begirako euskal dantza ikastaroa da bat, eta dantzari izandako eta zaletasun hori berrartu nahi duten pertsonei zuzendutako beste bat. Halaber herriko adinekoentzako egoitzekin duten hitzarmenaren berri eman dute.
Euskal dantza ikasi nahi duten helduentzako ikastaroan edozein festa edo ospakizunetan dantzatzeko moduko errepertorioa ikasteko aukera egongo da. dantza jauziak, kontradantzak, martxak, agurra, fandango eta arin arina, Vanesa Castaño irakaslearekin. Ikastaroa urtarrilean hasiko da eta astean ordubeteko saioa egingo dute, gehienek aukeratzen duten ordutegian (ostegunetan 17:30etik 18:30era edo 20:30etik 21:30era, edo ostiraletan 17:30etik 18:30era). Prezioa 97,95 eurokoa da eta lehentasuna izango dute Errenteria Musikal Dantza zein Musika Eskolako ikasleen gurasoek.
Izena hilaren 29ra arte eman daiteke.
Dantzari izandakoei zuzendutako beste ikastaro bat ere eskainiko dute. Bigarren hori ere, Vanesa Castaño irakasleak gidatuko du eta luzaketak, gorputzaren prestaketa eta dantza tradizionalaren errepertorioa landuko dute: dantza jauziak, kontradantzak, bolant dantzak, jota eta mazurka besteak beste. dantza talde b atean aritu edota dantza eskola batean trebatutakoei begirakoa da ikastaroa eta urtarrila eta ekina bitartean egingo da. Aurrekoan bezala, ordubeteko saioa egingo dute astean gehienek aukeratzen duten ordutegian (asteazkenetan 20:00etatik 21:00etara, edo ostiraletan 18:30etik 19:30era). Prezioa 97,95 eurokoa da eta izena hilaren 29ra arte eman daiteke.
Adinekoen egoitzekin hitzarmena
Errenteria Musikalek eta herriko adinekoen egoitzen arteko hitzarmenaren berri ere eman zuten atzoko agerraldian; bi urte daramate elkarlanean. Astean behin Errenteria Musikaleko irakasle bat Sanmarkosene egoitzara joaten da eta ordu eta erdiko musika tailerra egiten du hitzarmen horren harira. Esperientzia “oso ona” izaten ari dela eta parte hartzaileak “oso pozik” daudela zehaztu zuten atzoko agerraldian.
