Euskarazko sorkuntza kalera aterako da hilaren 30ean
Euskaraldiak eta Abaraxka ludotekak elkarlanean antolatu dute Euskararen Festa. Hemezortzi kultura pilula eskainiko dituzte Oiartzungo sortzaileek.
Oiartzunen euskaraz sortzen dena kalera aterako da hilaren 30ean. Larunbat arratsalde horretan, kultur eragile ugari aterako dira kalera, Euskaraldiaren taldeak eta Abaraxka ludotekak deituta. Izan ere, Euskararen Egunaren harira Euskararen Festa antolatu dute.
16:00etan hasiko da festa. Trikitilariekin kale buelta egingo dute Done Eztebe plazan hasi eta bukatuta. Herriko kulturgintzari adierazpide bat emateaz gain, 2020ko Euskaraldiaren aurkezteko aprobetxatuko dute. Honakoak izango dira parte hartuko duten elkarte eta artistak. Ekitaldi guztiak plazan jarriko duten oholtzan izango da:
- Udal antzerki taldeak.
- Ibargain musika eskolako klarinete taldea.
- Haurtzaro Ikastolako bertso taldea.
- Haurtzaro Ikastolako dantza garaikideko taldea.
- Gorka Zabaleta.
- Elizalde Dantza Taldea.
- Eskuttun.
- Abaraxka.
- Haurtzaro Dantza Taldea.
- Elizalde Herri Eskolako bertsolariak.
- Gu ta gitarrak.
- Tximeleta.
- Txilly.
- Olarri dantza taldea.
- Ibargain musika eskolako akordeoi jotzaileak.
- Bertsolariak: Jon Martin, Jon Otegi eta Josu Ibarguren.
- Bi Bemol.
- Intxixu AEK.
- Malen eta Ekain.
