Mikelazuloren Zinezulok, Kurdistani egingo dio keinu gaur
Gaur egingo dute saioa, eta Reber Doskynen Radio Kobane dokumentala emango dute. Emanaldia, Kurdistanen izandako brigadista batzuk osatuko dute, bertan izandako esperientziak kontatuko baitituzte.
Hilabete honetako Zinezulok, Kurdistango egoera ekarriko du lehen lerrora Mikelazulo Kultur Elkartearen eskutik. Gaur egingo dute saioa, eta Reber Doskynen Radio Kobane dokumentala emango dute. Emanaldia, Kurdistanen izandako brigadista batzuk osatuko dute, bertan izandako esperientziak kontatuko baitituzte. Donostialdeko herri Kurduaren Aldeko Iniziatibak sustatutako emanaldia da gaur Mikelauzlok emango duena.
Kobane iparraldeko Sirian dagoen Alepo eskualdeko hiria da; Turkiako mugaren ondoan, eta biztanle gehienak kurduak dira. 2014ko irailean Estatu Islamikoaren kontrako gerraren barruan borroka militarra izan zen Estatu Islamikoa eta Kurdistango Herri Babeserako Unitateen (YPG) artean. Azken horiek Kobane herria babesten ari ziren. 2015eko martxora arte iraun zuen guda Kurduek irabazi zuten, Kobane berreskuratu zuten. Borrokaren lehen lerroan, emakumeak izan ziren. Hori guztia gaurko dokumentalean ikusteko aukera izango da, baita lehen eskutik ezagutzeko bertan izan diren bi brigadisten kontakizunarekin emanaldiaren osteko solasaldian.
Hitzordua, gaur asteazkena 19:00etan.
