Indartuta aterako da kalera pentsiodunen mugimendua
Beste astelehen batez kalera aterako da jubilatu eta pentsiodunen mugimendua kalera. Inoizko babes handienarekin, izan ere, gazteek, sindikatuek, saltoki txikiek eta bestelako eragile sozialek bat egin dute kolektiboaren eskakizunekin eta bizitza duinaren alde.
Urriko mobilizazioa. Beste astelehen batez kalera aterako da jubilatu eta pentsiodunen mugimendua kalera. Inoizko babes handienarekin, izan ere, gazteek, sindikatuek, saltoki txikiek eta bestelako eragile sozialek bat egin dute kolektiboaren eskakizunekin eta bizitza duinaren alde. Datorren urtarrilaren 30ean helduko da argazki erraldoi hori greba orokorrarekin.
Bien bitartean kaleak aldarriz betetzen jarraituko du Duintasunak, eta horren harira gaur mobilizazio eguna izango du. 11:00etan egin dute hitzordua Herriko Plazan aliantzetan aurrera pausu handia eman duenean, eta gonbidapena luzatu diete beste gizarte sektoreei ere bat egin dezaten aldarrikapenekin. Ez dutela arrazoirik ematean nahi esango dute gaurkoan, ezta zurikerietarako erabiltzea inork zilegi diren beren aldarrikapenak; neurria zehatzak eta eraginkorrak, horiek eskatuko dituzte pentsiodunen gabeziak ezabatzeko errezeta bakarra hori delako.
Bizi duten egoera ezin dela denboran gehiago luzatu argi dute: “Elkarrizketa sozialerako edo Toledoko Itunerako saio gehiegirik ez dugu nahi, horiek guztiek gaur arte ekarri duten gauza bakarra pentsioen sistema publikoa kaltetzea izan da, eta pribatizatzea. Adineko pertsonen dependentziaren arretarako gastu publikoa ere gutxitu da”.
Ez dutela eredu sozial mediterraneoa nahi, baizik eta europarra esan dute, eta administrazioei eskatu dependentzia egoeran dauden pertsona guztiak onartuak izan daitezela sare publiko unibertsal batean, aurrekontu publikoekin ordaindua bizi baldintza duinak bermatzeko.
Eskaerak, oro har, betikoak, ez baita egoera aldatu: soldata eta pentsio arrakala ezabatzea eta alargunen pentsioa %100 izan dadila; lanbide arteko gutxieneko soldata 1.200 eurokoa izatea, eta 1080koa gutxieneko pentsioa, eta pentsioen erosteko ahalmena berreskuratu dezatela.
Hitzordua, gaur 11:00etan Herriko Plazan.
