Añarbeko basoko hondakin garbiketan parte hartzera deitu du Ibaiaren Etxeak
Libera proiektuarekin bat egin du Fanderiako Errotak (Ibaiaren Etxeak) eta igandean 09:30ean Fanderiako Errotan hitzordua eginda, autoan abiatuko dira Añarbeko basora hondakinak biltzera.
Añarbeko basoan bilduko dituzte hondakinak igandean. Igandean Añarbeko Basoan egingo den hondakin garbiketan parte hartzera deitu ditu herritarrak Ibaiaren Etxeak. Libera proiektuarekin bat egin du Fanderiako Errotak (Ibaiaren Etxeak) eta igandean 09:30ean Fanderiako Errotan hitzordua eginda, autoan abiatuko dira Añarbeko basora hondakinak biltzera. 14:00ak arte arituko dira bertan.
Libera proiektuak garbiketa iniziatibak antolatzen ditu urtean zehar, gune naturaletan utzitako hondakinek sor ditzaketen ondorioak geldiarazteko. garbiketan parte hartzeko izena eman behar da Oarsoaldeko Turismo Bulegoaren bidez, 943 494 521 telefono zenbakira deituta edo posta elektroniko bidez. Jarduera doakoa da eta publiko guztientzat irekia.
