Eguberrietako campusa egingo du Munttarpek
Abenduaren 30 eta 31n, nahiz urtarrilaren 2an izango dira saioak, 11:30etik 13:00etara, Bekoerrotan.
Entrenatzeko eta ondo pasatzeko aukera izango dute gaztetxoek campusean. Munttarpe Eskubaloi Klubak aurten ere Eguberrietako Campusa egingo du. Abenduaren 30, 31 eta urtarrilaren 2an da, eta LHko 3, 4, 5, eta 6 mailetako,nahiz DBH1eko gazteei dago zuzendua. Lezoko Bekoerrota kiroldegian egingo dute eskubaloiaren gaineko ezagutza lortu nahi dutenen haurren topagunea.
Hiru egun horietan 11:30etik 13:00etara izango dira entrenamendu saioak. Taldeka antolatuko dituzte partaideak, adinaren arabera. Hala, Munttarpek jakinarazi du hilaren 27ra arteko epea dagoela bertan izena emateko.
Apuntatzeko bi gauza egin behar dira:
- 20 euroko kuota ordaindu La Caixako honako kontu korronte zenbakian: ES41 2100 5396 9602 0007 6410.
- Interneteko formularioa bete, honako helbidean sartuta (sartzeko klikatu hemen).
Informazio gehiago behar dutenek 618 859 028 telefono zenbakira dei dezakete, edo Munttarperen posta elektronikora idatzi.
