Arditurriko meategiak, lehen aldiz, irekita egongo dira gabonetan
Hilaren 29an, igandearekin, oiartzuarrek dohainik bisita ahal izango dute Arditurriko meategia. Besteetan bezala, aurrez erreserbatu beharko da.
Gabonetako asteburuan irekita egongo da, goizez.
Aurten, lehenengo aldiz, Arditurriko meategiak irekita egongo dira Gabonetan. Hilaren 26tik 29ra bitartean —ostegunetik igandera, alegia—, zabalik egongo dira. Ordutegia ohikoa izango da: 10:00etatik 14:00etara bisitatu ahal izango dira.
Oiartzuarrek Gabonetako oparia jasoko dute. Izan ere, hilaren 29an dohainik sar daitezke Arditurriren barrunbeetan.
Bai egun horretarako baita aurrekoetarako, aldez aurretik egin beharko da erreserba. Horretarako 943 49 50 69 edo 688 89 50 68 telefono zenbakietara dei daiteke, edo e-posta bidez idatzi.
