Jostailu azoka solidarioa egingo dute Elizalden, etiopiarrak laguntzeko

Santomasetako azokaren barruan salduko dituzte jostailuak. Jasotakoa Bushulora bideratuko dute, Maixabel Arbide misiolari oiartzuarrak parte hartzen duen proiektura.

bushulo Etiopiako Bushulo ospitalera bideratuko dute jasotako dirua.

Elizalde ikastetxean santomasetako azokarekin itxiko dute hiruhilekoa, bihar. Horren barruan, beste hainbat ekitaldiren artean, jostailu azoka solidarioa egingo dute. Horrela, ikasleek eramandako jostailuekin azoka egiten dute. Prezio sinbolikoak jartzen dituzte, dirua ateratze aldera.

Hor jasotako sosak Etiopiara bidaltzen dituzte. Zehazki, Maixabel Arbide misiolari oiartzuarra (Alda baserrikoa) parte den Bushulo proiektura bideratuko dute dirua. Ospitale horrek ia 100 osasungintzako langile ditu.

Jostailu azoka solidarioaren antolatzaileek adierazi dutenez, duela hamasei bat urte hasi ziren hori egiten. Ohi bezala, herritar guztiak gonbidatu dituzte bertara joan daitezen, ahalik eta jostailu gehien saltzeko. 09:15etik 13:00etara arte egongo dira herri ikastetxean.

Haurtzaron, elikagaiak

Haurtzaro Ikastolan ere kutsu solidarioarekin bukatuko dute hiruhilekoa. Euren kasuan, elikagaiak jasotzen ari dira, eta biharko San Tomas azokan bildu eta bidaliko dituzte Gipuzkoako Elikagaien Bankura.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.