Martxoaren 8ra begira txotxongilo tailerra antolatuko du Bekoz-Bekok
Saioak larunbatero egingo dira, goizez, hilaren 11tik martxoaren 7ra.
Artxibo irudia. Urte berriarekin batera hasiko da martxoaren 8a prestatzen Bekoz-Beko Indarkeria Matxistaren Aurkako Elkartea. Tailerra hutsetik abiatuko dute: txotxongiloak eskuz egingo dituzte, gidoiak denen artean idatziko dituzte eta azkenik, martxoaren 8a oinarri izango duen antzezlan bat sortuko dute.
Tailerraren saioak larunbatero egingo dira hilaren 11tik martxoaren 7ra, 10:30etatik 13:00etara, Bekoz-Beko elkartearen Antxoko egoitzan (Zumalakarregi, 7). Tailerrean parte hartzeko materiala 15 euroan izango da eskuragarri. Interesdunek elkartean bertan eman dezakete izena edota telefonoz, 679332411 zenbakira deituz.
Bekoz-bekok oroitarazi du astero babes zerbitzu ezberdinak eskaintzen jarraituko duela. Laguntza psikologikoa emango dute astelehenero 18:00etatik eta 19:00etara eta aholkularitza juridikoa hilen azken ostegunean. Era berean urtarrila amaieran sakelako telefonoarekin argazkiak egiteko ikastaroa hasiko dute.
