Haurtzaro, Zaporeak-en janari bilketan laguntzaile
Alcampon izango dira Haurtzaro Ikastolako ikasle eta irakasleak, 17an eta 18an egingo den bilketan.
Haurtzaroko ikasle eta irakasleak. Zaporeak elkarteak janari bilketa egingo du hilaren 17 eta 18an Oiartzungo Alcampon, Grezian dauden errefuxiatuen eremuetan dauden pertsonentzat otorduak prestatzeko jakiak izan ditzan. Haurtzaro Ikastolako kideek jakinarazi dute haiek ere bilketan izango direla, laguntzen. Bertako irakasle eta ikasleek txanda batean ariko dira laguntza ematen.
J0su Arotzena Zaporeak egitasmoko kideak oiartzuarrei, eta nahi duten guztiei gonbita luzatu die, laguntza emateko edo jakiak emateko, “ea oraingoan ere zoriona eta goxotasuna Greziara helaraz dezakegun”.
Bestalde, Txerri Egunean Grezian dauden errefuxiatuen aldeko postua jarri zuten, bertan, besteak beste, egutegiak salduz. Bada egutegi horietako batek sari bat zuen (Karlos Argiñanoren jatetxean bi pertsonentzako afaria), eta jakinarazi dutenez, Haurtzaro Ikastolako familia bati egokitu zaio saria.
