Antzerki esperimentala, Ahoztar Zelaieta eta Loratu erakusketa, Mikelazuloren eskutik
Lehen hitzordua hilaren 18an (larunbata) egin du. Egun horretarako Prospectus Vitae Gontzal Uriberen antzezlana antolatu du. Antzerki esperimentala da Uriberena, eta emanaldia 18:30ean hasiko da.
Berexi Art, Uxue Bereziartua Lonbideren sormen lan bat. Hilabete honetarako eskaintza oparoa atondu du Mikelazulo Kultur Elkarteak. Hainbat diziplina batu ditu egitarau ezin erakargarriagoa osatzeko, eta lehen hitzordua hilaren 18an (larunbata) egin du. Egun horretarako Prospectus Vitae Gontzal Uriberen antzezlana antolatu du. Antzerki esperimentala da Uriberena, eta emanaldia 18:30ean hasiko da.
Hilaren 29an (asteazkena) berriz, liburu aurkezpena antolatu du. Ahoztar Zelaietak El Narco Oasis Vasco liburuaren xehetasunak azalduko ditu Mikelazulon Kote Kamatxok gidatutako solasaldian. Joan den abenduaren 4an argitaratu zuen liburua Zelaietak eta bertaratzen direnek, idazlearen ahotik entzungo dituzte bertan bildutakoaren gainekoak. Zelaieta (Bilbo, 1972) ikerketa kazetaria, idazlea eta kriminologoa da eta besteak beste, Euskadi SA: el gen corrupto del PNV, Jóvenes burukides bizkainos. Clientelismo y “fontanería” en el PNV, La casta vasca. Mafias y gobierno vasco en la última década, Kutxabank. El saqueo de Euskal Herria, Evasores, morosos y millonarios vascos, etaLa trama del 4%. Las comisiones del Caso De Miguel liburuak argitaratu ditu.
Azkenik, erakusketa antolatu dute: Loratu erakusketa. Berexi Art, Uxue Bereziartua Lonbideren sormen lana jasotzen duen proiektua da Loratu. Ilustrazioa du oinarri baina beste diziplina batzuk ere txertatzen ditu tarteka: serigrafia, argazkilaritza, bideogintza, muralismoa. Horiek saretuz sortu du proiektua, autoekoizpena oinarri, feminismotik feminismora.
Loratuk emakumeen ahalduntzea aldarrikatzen du, barrutik hitz egiten du, “gizentasunetik, ileetatik, transmugimendutik, zapalkuntzatik, minetik, baina batez ere maitasunetik”. Ostiral, larunbat eta igandeetan izango da hura bisitatzeko aukera 16:00etatik 23:00etara.
