Hizkuntza muga izan ez dadin
Oarsoaldeko Euskara Batzordeak AISA euskara ikastaroa antolatu dute aurten ere. Gaurtik otsailaren 7ra arte dago izena emateko epea zabalik.
Beste urte bateko AISA taldeko ikasleak, ikastaroan. Oarsoaldeko Euskara Batzordeak AISA euskara ikastaroa antolatu dute aurten ere. Gaur bertan zabaldu du izena emateko epea, munduko gainerako herrietatik Errenteriara bizitzera etorri diren 16 urtetik gorako herritarrei begirako ikastaroan. Hastapeneko euskara eskolak emango dituzte programaren bidez, euskarara lehen hurbilpena egin dezaten.
Ikastaroa laburra da, 60 ordukoa eta eskolak otsailaren 17tik ekainaren 12ra egingo dituzte, astean lau orduz. Bi aukera daude horiek egiteko, astean bi egunean bi orduko saioak egitea edo larunbat goizetan lau orduko saioa egitea, eta Errenteriako Udal Euskaltegiak zein Xenpelar AEKk emango dituzte eskolak. Izena eman nahi dutenek, gaurtik otsailaren 7ra arte izango dute aukera eta Errenteriako Euskara Zerbitzura jo behar dute (943 4449 613).
Matrikularen prezioa 6 eurokoa da, eta hori ordaintzeko laguntzak ere badira. Ikasturte amaieran aprobetxamendu egokia egin duten ikasleek gainera, ikastaroa egin izanaren agiri bat eskuratuko dute.
