Oporretan ere, Alabortza garbitzeari eutsiko diote Mater Museoan
Urtarrila eta otsailean eguneroko jarduna etenda izan arren, ez dute hutsik egingo hileroko senadiaren garbiketarekin.
![](https://oarsoaldea.hitza.eus/site/files/2020/01/alabortza-500x313.jpg)
Artxibo irudia. Hilero bezala, Alabortzako senadia garbitzeko deia egin du Mater Museoak.
Urte berriarekin batera merezitako oporrak hartu dituzte Mater Museo Ekoaktiboko kideek. Jende gehienak oporrak dituenean, egiten dute haiek lan gehien, eta urtarrila eta otsailean hartzen dute atseden. Ekintzailetzak eta ingurumenaren zaintzak ez dute etenik Mater Museoan, hileroko garbiketa hitzorduari eutsiko diote eta.
Hilero bezala, Alabortzako senadia auzolanean garbitzeko deia luzatu diete herritarrei igande honetarako (hilak 26). Prozesua, betiko berdina izango da; kalan bertan batuko dira, zaborra bildu eta sailkatzeko. Ekintza 11:00etatik 13:00etara egingo da. Interesdunek posta elektronikoz eman dezakete izena, edota telefonoz, 619814225 zenbakira deituz.