Pasaiako barruti guztietan aurkeztuko da 'La bahia bajo la niebla'
1980ko hamarkadako Pasaian kokatu du lan berria Sergio Pereirak. Trintxerpen, Donibanen eta Antxon egingo dira hurrengo aurkezpenak.
![](https://oarsoaldea.hitza.eus/site/files/2020/01/pereira-1-500x331.jpg)
Fikzioa eta errealitatea uztartu ditu Sergio Pereira idazleak.
Ikaragarrizko arrakasta izan du La Bahía bajo la niebla, Sergio Pereiraren azken lanak. Hilaren 3an aurkeztu zuen lehen aldiz eleberria San Pedron, eta egun gutxitan argitaratutako 300 aleak agortu egin zirela azaldu zion HITZAri idazle pasaitarrak. 1980ko hamarkadako Pasaian kokatuz, garai hartako testuinguru sozialaren kontaketa egiten du.
Liburu sorta berria jasota, aurkezpenekin jarraituko du Pasaiako gainontzeko liburutegietan. Ostiralean, hilaren 24an egingo du hurrengoa, Trintxerpeko liburutegian. Azken biak otsailean izango dira, 6an Donibaneko Ubera liburutegian eta 28an Antxoko liburutegian. Aurkezpen guztiak 19:00etan izango dira.