Andoainen pianoa fin-fin jotzeko, Tomas Garbizuko ikasleen audizioa
Audizioa asteazkenean da, 17:30ean hasita, Tomas Garbizu Musika Eskolako areto nagusian.
![](https://oarsoaldea.hitza.eus/site/files/2020/02/andoian-kartela.png)
Hilaren 8 eta 9an ospatuko dute Andoaingo Piano Jaialdia, hamabosgarrenez. Bertan izango dira Lezoko pianistak, Tomas Garbizu Musika Eskolakoak. Hala, jaialdia prestatzeko, euren piezak jendaurrean joko dituzte lezoarrek otsailaren 5ean (asteazkenean), 17:30ean eskolako areto nagusian.
Pianistak bakarka eta binaka arituko dira. Honakoak dira artistak: Aroa Domingo, Edurne Bermudez, Araia Gomez, Athenea Mielgo, Amaiur Lizarraga, Aiora Intxaurrandieta eta Ibai Martiarena. Euren irakaslea Marta Bocos da.
Deialdi irekia da. Edonor joan daiteke publiko bezala.