Hilaren 27an, jardunaldi inspiratzailea, Juanjo Bastarrika ekintzailearekin
Juanjo Bastarrika ekintzaile errenteriarrak bere esperientziaren berri emango du Oarsoaldea Garapen Agentziak Oiartzunen duen egoitzan.
Juanjo Bastarrika. Juango Bastarrika errenteriarrak, pertsonen eta enpresen arteko iniziatibak sustatzeko jardunaldi inspiratzailea gidatuko du hilaren 27an Oarsoaldea Garapen Agentziak Oiartzungo bulegoetan duen coworking espazioan. 10:00etatik 12:00etara izango da. Ikusi hemen egitaraua.
Bertan, bere ekintzailetza egitasmoaren berri emango du Bastarrikak, hura partaide den Binovo enpresaren adibidea partekatuz. Proiektu sortzaile eta eraldatzaileak, ekonomia zirkularra, zerbitzu aurreratuak eta zahartzearen ekonomia garatu dituzte proiektu inspiratzaileen egitasmoaren barruan, eta errenteriarrak bere alorrean egindakoaren berri emango du.
Jardunaldian parte hartzeko aldez aurretik izena eman behar da, Oarsoaldearen webgunearen bitartez. Beheko bideoan, Bastarrikak jardunaldiaren gaineko hainbat xehetasun ematen ditu.
