[Emaitzekin] Allerru, serio arraio
Allerru Kirol Elkartearen gizonen talde nagusiak sasoi azken partidetan oso emaitza onak lortu ditu. Erregional Preferenteko bigarren postuan da.
Allerruren Erregional Preferenteko taldea. Allerru Kirol Elkartearen gizonen talde nagusiak aurkeztu du, serio asko gainera, Erregional Ohorezko Mailara igotzeko hautagaitza. Asteburuan 0-3 irabazi dio Donostian Kostkas taldeari. Baina are gehiago: abenduaren 1etik ez du partidarik galdu (Hondarribia azkenaren zelaian 3-2 galdu zuen), eta azken zortzi jardunaldietan, sei garaipen eta bi berdinketa eskuratu ditu. Erregional Preferenteko bigarren postuan daude zuri-berdeak, 43 punturekin. Vasconia liderrak 44 ditu.
Lezoarrek ligan jokatu dituzten 20 partidetatik 13 irabazi dituzte, lau berdindu eta hiru galdu. Kategorian gol gutxien jaso dituen taldea da (19). Hau da, iazko jaitsierari aurre egin diote, ganoraz, eta hondoratu baino, indarra atera dute berriz ere Gipuzkoako mailarik gorenera iristeko borrokari eusteko.
Hurrengo jardunaldian badiako derbia jokatuko du Allerruk, Plazetan, sasoi ona egiten ari den Sanpedrotarra taldearen kontra. Larunbat arratsaldean izango da (ordua ez dago konfirmatua). Tentsio handiko partida izango da, jada ligako azken fasean daudelako taldeak. Zaleen artean ere saltsa ziurtatua dago.
Beheko zerrendan, Lezoko kirol taldeek asteburuan lortutako emaitzak.
FUTBOLA
Gizonen Erregional Preferentea
- Kostkas-Allerru, 0-3
Emakumeen Gorengo Maila, Igoera Fasea
- Allerru-Orioko, 2-0
Gizonen Lehen Erregionala, Kopa
- Axular-Allerru, 3-3
Gizonen Gazteen Lehen Maila, Igoera Fasea
- Allerru A-Ostadar, 2-3
Gizonen Gazteen Lehen Maila, Kopa
- Landetxa-Allerru B, 2-1
ESKUBALOIA
Emakumeen Gipuzkoako Lehen Maila
- Munttarpe-Urola, 33-26
Gizonen Gipuzkoako Bigarren Maila
- Bergara-Munttarpe, 31-23
ARETO FUTBOLA
Gizonen Euskal Liga
- Jaixki AFT-Jarrilleros, 8-6
Gizonen Gipuzkoako Lehen Maila
- Gaintxu AFT-Idiazabal, 3-8
SASKIBALOIA
Emakumeen Gipuzkoako Bigarren Maila
- Kurkubi-Askatuak, 47-54
- Tecnun-Kurkubi, 67-26
Emakumeen Junior Maila
- Bera Bera Ulia-Kurkubi, 40-47
