Lezon, rock and rolla Piztu Lezorekin
Rockak, bere espresiorik anitzenean, hartuko du Lezo larunbatean. Piztu Lezok musika bortitzez beteko ditu kaleak inauterietako larunbatgorrian.
Egunaren kartel iragarlea. Hemen dira, Lezon ere bai, inauteriak. Piztu Lezo dinamikak ez du hutsik egingo mozorroen jaian. Lezoarock antolatu du hilaren 22rako, inauterietako larunbaterako, larunbatgorri. Rock and rolla Gurutze Santuaren plazan. Itxura ona du.
Karropoteoa, bazkaria, karaokea eta kontzertuak antolatu dituzte egunerako. Horretarako, kuadrillei laguntza eskatu diete. Izan ere karrozen desfiletxoa egin nahi dute, horregatik, kuadrilla bakoitzari karroza egiteko eta hori nahiz zein mozorro eramango duten bidaltzeko eskatu diete, sariak izango baitituzte muntai/mozorro onenek (argazkiak 630 472 479 telefono zenbakira bidali behar dira, mezuz).
Bazkarirako txartelak Tiñelun eros daitezke, bihar (asteartea) arte. Larunbatean, rockzale guztiei etxetik edalontzia eramateko eskatu diete (berrerabilgarria bada, hobe).
