Oiartzo Ikastolako ikasleen 'Azalaren azpian' erakusketa, Xenpelar Etxean
Oiartzo Batxilergo Ikastolako Adierazpen Teknika Grafiko Plastikoetako ikasleek erakusketa osatu dute ikasgaian landu dituzten lanekin, eta orain, herritarren eskura jarriko dute.
Proiektuan parte hartu duten bi ikasgeletako ikasleak, beren lanak eskutan. Oiartzo Batxilergo Ikastolako Adierazpen Teknika Grafiko Plastikoetako ikasleek erakusketa osatu dute ikasgaian landu dituzten lanekin, eta orain, herritarren eskura jarriko dute.Hilaren 21an egingo dute erakusketaren azken prestaketa eta irekiera-irakurketa ekitaldia 16:45ean, lanen nondik norakoak eta erakusketaren gainekoak azaltzeko, eta hilaren 24tik 29ra bitartean izango da zabalik erakusketa hori Xenpelar etxean, 17:00etatik 20:00etara.
Ikasleek beraiek azaldu dutenez, ikasgaiaren bigarren ebaluazioan egin duten proiektua da erakusketara bildu dutena. Ikasleek egindako hainbat diseinurekin osatu dute: “Arrabolak tuneatuta gure grafitientzat hondo zuri beltzak egin genituen, eta horien gainean, gure koadernoetako azalen azpia, lehenik geneuzkan zirriborroak berreskuratuta artelanak sortu ditugu”. Hainbat koloretako espraiak eta tenperak erabili dituzte beren lanak egiteko.
Artelanak sortzeko lana egin dute, baina baita erakusketa sortu eta antolatzeko ere: “Batzuk prozesu osoaren bideoa egin dute, beste batzuk bloga sortu, muntaia,. kartelak, esku orriak, idatziak…”. Proiektuak barruan dutena atera eta islatzeko aukera eman diela diote proiektuan parte hartu duten ikasleek, “orain erakusketara gerturatzen direnei hori bera transmititu ahal izatea eta gure erakusketaz gozatzea espero dugu”. Argazkiak eta bideoa Oiartzo Batxilergo Ikastolako ikasleek egindakoak dira.
-
- Proiektuan parte hartu duten ikasleak eta haien lanetako batzuk. Argazkiak: Oiartzo Batxilertgo Institutua
