EATko korrikalarien lan ona Euskadiko eta Gipuzkoako kros txapelketetan
EAT taldeko korrikalariek kroseko bi txapelketetan parte hartu zuten asteburuan, Euskadiko Master Txapelketan, eta Gipuzkoako Eskolartekoan.
Master Mailako Euskadikoan izan zirenak. Errenteria Atletismo Taldeko (EAT) ordezkariek lan ona egin dute joan den asteburuan jokatutako kros txapelketetan.
Igandean, hilaren 16an, Master Mailako Euskadiko Txapelketa egin zen Ortuellan, Bizkaia. Bertara emakumeen taldea eta gizonena aurkeztu zituen EATk. Emakumeen taldearen partaide izan ziren Esther Estefania, Ade Rubio eta Belen Salvador. Estefania irabazle izan zen bere kategorian. Gizonen taldea osatu zutenak Jose Pumar, Patxi Riezu eta Javi Diaz izan ziren.
Igandean ere bai, Hernanin jokoan izan zen Eskolarteko Gipuzkoako Txapelketa. EATren eskolako kide Iraia San Nazario eta Maialen Garayartabe izan ziren bertan lehian. Garayartabe hirugarren izan zen Kimu Mailan.
Iraia San Nazario eta Maialen Garayartabe.
Bestalde, hilaren 15ean klubaren batzar orokorra egin zuten. Ondoren bazkaria egin zuten, eta bertan, taldeko hainbat kide, bazkide eta languntzaileri aitortza egin zieten ematen duten laguntzagatik.
